ටියුබ් ලයිටා දෙවන කොටස ටියුබ් ලයිට් කතන්දර ....

දැන් කාලේ ඉන්න ගොයියලා කන කෑමේ අව්ලක්ද,නැතිම්නම් දැන් කාලේ උන් කන තැනයි රෙන තැනයි...සොරි,කාලා පිට කොරන තැනයි මාරු කොරගෙන කාපුවා පිටකොරනා තැනින් කන නිසාද මන්දා හරියාකාරව කිසි දෙයක් තේරුම් ගන් නෑ.
ටියුබ් ලයිට් එකේ හොදම වර්ගයේ උන් තමයි දැන් කාලේ ඉන්නේ. 

මේ ලගදී දවසක දඟයා ගියා දඟයාගේ යාලුවෙකුගේ ගෙදර.
ගෙදර ගේට්ටුව වහලා තිබුනේ.හැබැයි ලොක් කොරලා නෑ.
දෙතුන් පාරක් යාලුවාගේ නම කියලා කතා කොලා.කිසිම ප්‍රතිචාරයක් නෑ.
ගෙදර උදවියව හොදින් දන්නා නිසා දඟයා ගේට්ටුව ඇරගෙන ඇතුලට ගියා.
ජනේල එහෙමත් වහලා.ගෙදර කවුරුවත්ම නෑ වගේ පෙනුනත්,කෝකටත් කියලා ,දොරට තට්ටු කොරලා බලන්ට ඕනා කියලා දඟයාට හිතුනා.
දොර ලගට යනකොට දොරේ මොකක්දෝ දැන්වීමක් වගේ එකක් එල්ලලා තියෙනවා ....
මුන් ගෙවල් අතෑරලා,වෙන කොහේවත් පදින්චියට ගිහින්වත්ද කියලා කියවලා බැලුවා.

මම කුෂාන්ලගේ ගෙදර යනවා.
යතුර මාලුටැංකිය යට.

දඟයාගේ බුද්දිමත් මිත්තරයෙකුගේ අති බුද්දිමත් මල්ලිගේ වැඩක්.මෙවන් බුද්දිමතුන් තව තව බිහිවේවා කියලා දොහොත් මුදුන් දීලා වැදගෙනම මම යාලුවාට කෝල් කොරලා විස්තරය කිවුවා.
යාලුවා ඌගේ මල්ලිට බනිනවා හෝ ගාලා..
කලගෙඩියක් වගේ ඔලුවක් තිබුනාට අලගෙඩියක් තරම්වත් මොලයක් නැති එකෙක් කිය කියා....
අනුන්ට බනින එක උනත් අහන් ඉන්න උනාම ඔලුවට කරච්චලයක්.
"මොන හුයන්නක්ද?උබ ඔය ටික මල්ලිටම කියහන්කෝ..."කියලා ජංගමයාව කට් කොරලා,දොරේ අමුනලා තිබුන කොලය ගලවලා ඉරලා විසි කොරලා, දඟයා ආපහු එන්න ආවා.

ඊලග කතාව නම් දඟයා  කොහේදි හරි අහපු කතාවක්.නැතිනම් ඊයකින් ඇවිදිල්ලා දඟයා කියවපු එකක්.
හරියටම මතකයක් නෑ කොහොමද දඟයාගේ ඔලුවට මේ කතාව ආවේ කියලා නම්.
ඕනා පැනි කොමඩුවක් කියලා ඔන්න ඔහේ ඒ කතාවත් කොටලා දානවා.

ඔය නෙලුම් පොකුන කියන රගහලද මොකක්ද එක හදපු අලුත ඔතනින් යන හැමෝම බැලුවේ නෙලුම් පොකුන රගහල දිහා.කතා උනෙත් ඔය නෙලුම් පොකුන රගහල ගැනම තමයි.
මොකද ඔය කියනා අහවල් ගොඩනැගිල්ල සුවිශේෂ ආකාරයකට, සුවිශේෂ  හැඩයකට නිර්මානය කොරලා තියෙන නිසාම ඔතනින් යන එන කාටත් ඕක කැපිලා පෙනෙනවා.

දවසක් දුර පලාතකින් කොළඹට පාත්වෙච්ච ගොබිලෝ දෙන්නෙක් බස් එකක යනවාලු,බස් එකටම ඇහෙන්න හෙන කයියකුත් ගහගෙන.පෙර ආත්මවල පුවක්ගස් පූජා කරලා උස ගිය පින්වතුන් වගේ,මේ ගොබිලෝ දෙන්නත් ගිය ආත්මේ ගාන්ඨාර පූජාවක් කොරලා මෙලොව ඉපදුන පින්වතුන් දෙන්නෙක්.
ගාන්ඨාර  පූජාවේ පිනෙන්,පින්වතුන් දෙන්නාගේ කටේ සැර කොච්චරද කියනවානම් මුන් කතා කොරනා කතන්දර මුලු කොළඹ රටටම ඇහෙන තරම්.
ඉතින් මේ ගොබිලෝ දෙන්නා යන බස් එකත්  ඔය නෙලුම් පොකුන රගහල ලග නතර කොලාලු,නැගපු මිනිස්සුන්ට බැහැගන්ටත්.බැහැලා ඉන්න මිනිස්සුන්ට නැග ගන්නත්..(බස් එකෙන් හොදේ..වෙන කතාවක් ගැන නෙවෙයි කිවේ)
මොකක්දෝ හෙන කයියක් ගහ ගහ හිටිය ගොබිලෝ දෙන්නාගෙන් එකෙක් කොහොම හරි මේ අලුතෙන් ඉදිකොල අමුතු තාලෙ අට්ටාලය දැකලා...දැක්ක ගමන් බස් එකේ කවුලුවෙන් එලියට බෙල්ලත් දාලා බලලා,අනිත් ගොබිලාට අත දික් කොරලා අට්ටාලය පෙන්නන ගමන් අහනවාලු...
"අප්පද බොල...මේ මොකෑ අලුතින් ගහලා තියෙන බිල්ඩිම.."

"අඩෝ...ඕක තමයි බන් නෙලුම් පොකුන කියන්නේ...යකෝ පහුගිය ටිකේම ටි.වි එකේ ඉස්ම යනකන් පෙන්නුවේ"අනිත් ගොබිලා ලොකු පොරටෝක් එකක් දුන්නා.

" අම්මට සිරි ....... එහෙමද ...!! "

පලමු ගොබිලාගේ ශබ්දය ටිකක් විතර අඩු උනා.

නෙලුම් පොකුන රගහල නොපෙනී යනකන්ම බස් එකේ කවුලුවෙන් බෙල්ල කරකෝ කරකෝ රගහල දෙස බැලූ ගොබිලා... 

"අඩෝ..මම හිතුවේ ඔව්වා ඔක්කෝම හදන්නේ හම්බන්තොට කියලා බන්..."
නෙලුම් රගහල දැක පස්සාගාතයම පූට්ටු වුන ගොබිලාගේ කට නැවතත් ප්‍රානවත්ව ඇති සැටියකි.

" පිස්සුද !! ..ඔය තියෙන්නේ ඒක තමයි "දෙවැනි ගොබිලා තමන්ගේ දැනුවත්බාවය සම්බන්දයෙන් ආඩම්බරව කතා කරයි.

"පට්ටම සිරානේ බන්,නෙලුම් පොකුන නම්...නේ බන්.."ගොබිලා තව තවත් හැරි හැරී බලයි.
එක්වරම යමක් මතකයට නගාගෙන,මුහුන ආලෝකමත් කරගත් ගොබිලා ...
"එතකොට එතනම හදලා තියෙන ලොකු බිල්ඩිම මොකක්ද බන්..."පලමු ගොබිලාගෙන් පොරටෝක් ගොබිලාට තවත් පුරස්නකි.
" මොකා........" පොර ටෝක් ගොබිලා අලුත් පුරස්නයට මොල් වෙලා ගියා .

"මුන් හෙනම හෙන මී හරක් නේ බන්..මෙච්චර තඩි බිල්ඩිමක් ගහලා...පොකුනට විතරක් නමක් දාලා...පිස්සු නේ."ගොබිලා එක දිගටම කියවාගෙන යයි.

පොර ටෝක් දුන්න ගොබිලාද කොරව ගොස් ඇති සෙයකි.

විරාත් කෝලියා පලමු පන්දුවෙන්ම අවුට් වුන වෙලාවක මූන බෙරි කොරගත් ඉන්දියන් කාරයෙකු මෙන් ගොබිලා දෙස බලා සිටිය පොරටෝක් ගොබිලා කිසිවක්ම නොකීවේ  සමහරවිටෙක නෙලුම් පොකුනටද වඩා විශාල තවත් ගොඩනැගිල්ලක් නෙලුම් පොකුන රගහල ලගම ඇත්දැයි සැකයක් හට ගත් නිසා වෙන්නට පුලුවන. 

ස්තානෝචිත පඤාව හෙවත් තැනේ හැටියට ඇනේ ගැසීම

ස්තානෝචිත පඤාව හෙවත් තැනේ හැටියට ඇනේ ගැසීම බොහෝම වැදගත් කාරනාවක්.

බොහෝ පිරිසක්,අරවද මෙව්වාද,ගොඩාක් එව්වා පාස් කොරලා තියෙන නමුත් පොතේ ගුරාලාම පමනක් වෙති.මෙලෝ රහක් නැති,හිතලා වැඩක් කොරගන්න බැරි,තැනේ හැටියට ඇනේ ගහගන්ට බැරි,මොවුන් කරන කොරන වැඩේ නා ගැනීමටද රුසියෝ වෙති.

තවත් සමහරුන්ට ස්තානෝචිත පඤාව බොහොමත්ම හොදින් පිහිටා ඇත.

එසේ පිහිටා ඇති උන් වවුලෙක්ගේ මගුල් ගෙදරක ගියද ගහක එල්ලීගෙනම ෂොට් එකකුත් දා,එල්ලීගෙනම කා ජාම බේරාගන්නා දක්ෂයෝ වෙති.

ස්තානෝචිත පඤාව ගැන කතන්දර නම් එමටය. . .

ඔන්න එකමත් එක රටක ,එකමත් එක මෙඩිකල් කොලීජියක වෙන්ට ඩොකාලා සැට් එකක්,ප්‍රොෆෙකුත් එක්ක බොඩියක් මස් කොරන්ට ලක ලෑස්ති විය.

මෙවර වෙන්ට ඩොකාලාට පැරැක්ටිකල් කොරන්ට හම්බවෙලා තිබුනෙ බීලා බීලා චොර වෙලා කූරියා ගහපු කලු බඩ මහත විසබීජයකි.

බොඩියේ තොල් ඉදිමිලාය..අප්පිරියාවේ බැහැලු.අනික බීලා වකුගඩුව කුනු වෙලා මල එකෙක් නිසා බොඩිය නිකන් පරුවෙලා කුනුවෙන්න යන ගස් ලබ්බක් වගේලු.

බොඩි එක දැක්කා විතරයි,වෙන්ට ඩොකාලා ඔක්කෝමලාගේ මූන ඇද වෙලා ගියාලු.

වෙන්ට ඩොකාලගේ මූනු අප්පිරියාවෙන් ඇද වෙලා තියෙනවා දැක්ක ප්‍රොෆා බොඩි එක කපන්ට කලින් මුන්ගේ අප්පිරියාව අරින්ට ඕනා කියලා හිතාන මෙහෙම කීවාලු.

"කට්ටියම මේක කපන්න කලියෙන් තම තමන්ගේ අප්පිරියාව නැති කොරගන්ට ඕනා..

ඒක නිසා සියලුදෙනාම මේ බොඩි එක කපන්න කලින් බොඩි එකේ පස්සා පැත්තට ඇගිල්ල ගහලා කටේ දාලා පෙන්නන්න ඕනා.."

ඒක අහපු ගමන්ම කස්ටියට හීන් දාඩිය දැම්මාලු.

හොල්මන්ද පොල්කොල කියලා එහෙම කියලා නතර නොවුන ප්‍රොෆා බොඩි එකේ පස්සා පැත්තෙ අහවල් ජරාව පිට කොරනා තැනට ඇගිල්ල ගහලා දබර ඇගිල්ල කටේ ගහලත් පෙන්නුවාලු.

ඊට පස්සේ ප්‍රොෆා කස්ටියටම පෝලිමේ ඇවිත් ඇගිල්ල පුකේ ගහලා කටේ දාගන්න කීවාලු.

කස්ටියත් ඉතින් වෙන කොරන්ටම දෙයක් නැති කමට ප්‍රොෆා කීව වැඩේ කොරලා අප්පිරියාවට වමනය උගුරේ හිර කොරගෙන  ප්‍රොෆා ලගට ආවාලු.

වෙන්ට ඩොකාලා කස්ටියම ෆ්‍රස්ට් ලව් එක පරාද වෙලා මදුරු කොයිල් කාපු උන් වගේලු.

ප්‍රොෆා වෙන්ට ඩොකලා දිහා බලලා කින්ඩි හිනාවක් දාලා කියනවාලු..

"තොපි නම් මෙඩිකල් කොලේජ් ආවාට වඩා හොදයි හේනක් කොටන් හිටියානම්" කියලා.

වෙන්ට ඩොකාලා කොයිල් වෙලා ප්‍රොෆා දිහා බලා ඉන්නකොට ප්‍රොෆා කියනවාලු..

"යකෝ මම මහපට ඇඟිල්ල බොඩි එකේ පුකේ ගහලා දබර ඇඟිල්ල තමයි කටේ දැම්මේ” කියල.

අනේ අනිච්චේ දුක්කේ...වෙන්ට ඩොකාලා සැට් එක සබ්දයක්වත් නෑලු...

ඔන්න ඔහොමලු ප්‍රොෆා වෙන්ට ඩොකාලගේ අප්පිරියාව නැති කොලේ.

කොහොමද ප්‍රොෆාගේ ටිකිරි මොලේ.  

ස්තානෝචිත පඤාවද මොකක්ද එක යොදන්න ගිහින් නා ගන්නා අයත් ඉන්නවා.

නා ගත්තොත් ඉතින් කවුද? 

වැඩිපුරම නා ගන්න ප්‍රසිද්ද බවලත් උදවියනේ.

දවසක් මිරිස් කරලක් හැපිච්ච හස්බන්ඩෙක් කිචන් එක පෙරල පෙරලා සීනි බෝතලය හොයනවාලු.

කිචන් එකේ බඩු පෙරලන සබ්දය ඇහිලා බවලතීත් දුවන් ආවාලු කිචන් එකට.

"මොනාද අනේ මේ බඩු පෙරල පෙරලා හොයන්නේ" බවලතී සුපුරුදු චුරු චුරුව දාන්න පටන් ගත්තාලු. 

"ඉන්ට බෑ කට දනවා.මිරිස් කෑල්ලක් හැපුනා.කෝ සීනි බොතලේ" හස්බන්ඩා සිහියක් නැතිව සීනි බෝතලය හොයනවා.

"ඇයි අනේ ඔය අත ලගම තියෙන්නේ.."බවලතී කියනවා..

" කෝ..කෝකද? " හස්බන්ඩා කදුලු පෙරාගෙන අහනවා...ඒ තරම් සැරට මිරිස් කෑල්ලක් හැපිලා.

"ඔය ගම්මිරිස් කුඩු කියලා ගහලා තියෙන්නේ " බවලති කිව්වා.

මිරිස් කරල හැපිලා අසු හාරදාහට මල පැනලා හිටිය හස්බන්ඩා

"බොට පයිත්තියන්ද ගෑනියේ" කියලා මහ හයියෙන් මොර දුන්නා.

"නෑ..අනේ..නැතිනම් සීනි කන්න කූඹි එනවා..

ඒකයි ගම්මිරිස් කියලා ගැහුවේ..."බවලතිය තමන්ගේ බුද්දිමත් බාවය ගැන සන්තෝසයෙන් සහ උජාරුවෙන් කිව්වා.  

තැනට සුදුසු ණුවන යොදනා විට පසුවටද අසු නොවෙනා ලෙසට එය යෙදිය යුතුය.නැතිනම් එවෙලේ ජාම බේරා ගත්තද පසුව වැඩේ දෙල් වෙනු ඇත.

ගෙදර සාලයට වී පත්තරයක් බලමින් සිටි ගැටයාගේ ඔලුවට සාස්පානක් පාත් වුයේ ගුවනින් පැමිනය.

සාර්තක වු තම සාස්පාන් පහර නිරීක්ෂනය කරමින්,ගැටයා වෙත පැමිනි ගැටිස්සීගෙන් තම ඉදිමුන ඔලුවද අතගාමින් ගැටයා...

"මොකද යෝදියේ මට ගැහුවේ" යැයි විමසීය.

"මං තමුසෙගෙ කමිසහෝදන්න සාක්කු අස්කරද්දි කඩදාසියක් අහුවුණා. ඒකෙ Jenny කියල ලියල තිබුණ"ගැටිස්සී,ගැටයාගේ ඇගට ගොඩ වෙමින් කීවේය.

"අයියෝ...Jenny කියන්නෙ මං ලගදි ඔට්ටු දාපු අස්සයෙක්ටනේ"ගැටයා ස්තානෝචිත පඤාව යොදාගනිමින් ගැටිස්සි දැමු යෝකර් පන්දුවට ආරක්ෂාකාරීව පිත්ත හසුරවමින් උත්තර දුන්නා.

" අනේ sorry ගැට්ස් " කියමින් ගැටිස්සී ගැටයාගේ තඩි ගැහුන ඔලුවටද තොත්තුවක්ද ලබා දුන්නේ තමන් කල වරදටද පසුතැවෙමිනි.

පෙම්කුරුල්ලෝ පෙම් කෙලියේ සතියක් පමනි.

ගැටයාගේ පෙම්සිතුවිලි මෙන්ම ආතල්ද කුඩුකරමින් දැවැන්ත සාස්පාන් පහරක් නැවතත් ගැටයාගේ ඔලුව සන්තර්පනය කලේය.

" මොකද ගෑනියේ ඒ පාර? " ගැටයා මාරාවේෂයෙන් ගැටිස්සිගෙන් විමසීය.  

"තමුසෙගේ රේස් අශ්වයා අද ගෙදරට කෝල් කොලා..."ඇස් රතු කොරගෙන ගැටිස්සිද ගැටයාට සැර දමමින් කීවාය.    

බලාපොරොත්තු...

ජීවිතයක් ඇතිනම්,
හදවත ගැහෙනවා නම්...
ප්‍රාර්තනාවන් අනිවාර්යම දෙයක්.
ප්‍රාර්තනාවන්ට අපේක්ෂාවන්,එහෙමත් නැතිනම් බලාපොරොත්තු කියලා කියන්නත් පුලුවන්.
අපි හැමෝටම විවිද බලාපොරොත්තු තියෙනවා. 

කාලයෙන් කාලයට බලාපොරොත්තු වෙනස් වෙනවා... 

කෙනාගෙන් කෙනාටත් බලාපොරොත්තු වෙනස් වෙනවා...

දඟයාගේ චුට්ටිම කාලේ තිබ්බ බලාපොරොත්තුව තමයි කොහෝම හරි කොරලා මවුන්ටන් බයිසිකලයක් ගන්න එක.
හැබැයි ඕනා උනේ ඒ කාලේ තිබ්බ සුපිරිම මවුන්ටන් බයිසිකලය.ස්පිඩෝ මීටර් බයිසිකල් වලට ආපු මුල් කාලේම එහෙම ගැජට් එකක් හයි කොරපු ශොකැබ්ෂෝබර් තියෙන මවුන්ටන් බයිකලයක්  ගන්න තිබුන දැවිල්ලට දඟයා නොකරපු දෙයක් නෑ.

ඒ කාලේ මවුන්ටන් බයිසිකලයක් ගන්නා එක දඟයාට සිහිනයක් උනාට දැන් නම් ඒක සිහිනයක් නෙවෙයි.දැන් හිතුවාද ගන්න පුලුවන්.
දැන් දඟයාගේ සිහිනය ඉවොක් රේන්ජ් රෝවර් එකක් ගන්න.

දැන් දඟයා හැමදාම පාරේ යන ඉවොක් දිහා බලලා හූල්ලනවා...
හැබැයි කවදා මේ සිහිනය සැබෑ වෙයිද කියලා නම් දඟයා දන් නෑ.

සිහින දැකීමෙන් හා සිහිනයන් පසුපස උත්සහවන්තව හබායාමෙන් සිහින සැබෑ කරගත හැක කියන උදාන වාක්කිය අදහන දඟයාට මේ ආත්මේදීම මිලියන දාහතක් විටිනා ඉවොක් රේන්ජ් රෝවර් එකක් ගන්නට ලැබේවා...!!!

ඔන්න ඕකට තමයි කියන්නේ කාලයෙන් කාලයට  බලාපොරොත්තු වෙනස් වෙනවා කියලා.

දුප්පත් දඟයාගේ දුප්පත් බලාපොරොත්තුව ඉවොක් රේන්ජ් රෝවර් එකක් උනාට ලංකාවේ ඇමතිකෙනෙක්ගේ පුත්තර රත්නයකට,නැතිනම් රාජ කුමාරවරු ටිකට ඕක හරිම සිම්පල් ප්ලෑන් එකක්.
එයාලට තියෙන්නේ ජෙට් එකක් ගන්න,එහෙමත් නැතිනම්,තරු පහේ නැවක් ගන්න වගේ බලාපොරොත්තු.

හැබැයි අපි කාටත් අමතක දෙයක් තියෙනවා.එදිනෙදා කෑම වේල හොයාගන්න බැරීව,පිරිසිදු වතුර ටිකක් හොයාගන්න බැරිව,දවසේ පන ගැටගගන්න නැතිනම් බඩගින්නේ නොමැරී ජීවත් වෙන්න දගලන කොටසකුත් ලෝකයේ ඉන්නවා.එයාලගේ ලොකුම බලාපොරොත්තුව ජීවත් වෙන එක.

ඔන්න ඔහොමයි කෙනාගෙන් කෙනාටත් බලාපොරොත්තු වෙනස් වෙන්නේ..

ඔය කීවේ පොදුවේ හැමෝටම බලපාන හැටියට බලාපොරොත්තු වෙනස්වන විදිහ.
තව තව විදිවලටත් බලාපොරොත්තු වෙනස්වෙනවා...

මිනිසෙකු තනි කලු ටයි පටියක් පැලදීමට බලාපොරොත්තුවනුයේ කූරියා ගසා වැලිගම්පිටි යනවිට පමනි.කලු ටයි පටියක් පැලද,කලු ලෝගුවක් අදිනා නීතීඥයෙකුගේ බලාපොරොත්තුව ඔබ  කරදරයකට පත්ව නඩුවක පැටලෙනවාටය.

නඩුකාරවරයෙකු හෝ පොලිසියේ අයෙකු බලාපොරොත්තු වනුයේ ඔබ අපරාදකාරයෙකු හෝ හොරෙකු වනවාටය.

ගුරුවරයෙකුගේ බලාපොරොත්තුව ඔබ ගොං මෝඩයෙකුව මෙලොව උපත ලබනවාටය.

මල් ශාලා අයිතිකරුවෙකුගේ මල් මල් බලාපොරොත්තුව වන්නේ ඔබ ඉක්මනින්ම කූරියා ගැසීමය.

ඩොකෙකුගේ ඒකායන පැතුම වන්නේ ඔබ අනතුරකට ලක්ව ඔබගේ හතරහන්දි කැඩෙනවාටය.නැතහොත් මාරාන්තික රෝගයක් වැලදෙනවාටය.

ඉහත සදහන් සියලුදෙනාම ඔබගේ අගතිය බලාපොරොත්තු වූවද... 
ඔබව ධනවතෙක් වනවා හා ධන සම්පතින් සරු වනවා  දැකීමට බලාපොරොත්තු වන්නෝද ඇත.

ඔබ ධන සම්පතින් සරුවනවා දැකීම බලාපොරොත්තුවන්නේ පට්ට පල් හොරුන්ය.

දිනක් මෙඩිකල් කොලීජියේ වෙන්න ඩොකාලා හතරදෙනෙක් සෙට් වෙලා හීනියට අඩියක් ගසමින් වන් හුන් කතා කරමින් සිටිනා වෙලාවක තම තමන් ඉදිරියේදී බලාපොරොත්තුවන්නේ කුමන රෝගීන්  ඔපරේට් කිරිමටද  යන වග සංබන්දයෙන් පුංචි පුරස්නයක් ඇතිවිය.

වෙන්න ඩොකෙකුගේ වැඩි බලාපොරොත්තුව පුස්තකාලාදිපතියන්ව ඔපරේට් කිරිමටය.

ඔහුගේ කැමැත්ත පුස්තකාලාදිපතිලාට හිමි වුයේ පුස්තකාලාදිපතිලාගේ ඇගේ අවයවයන්ද ආකරාදී පිලිවෙලට ලෙහෙසියෙන් සොයාගත හැකි පරිදි පිහිටීමය.

අනෙක් වෙන්න ඩොකා බලාපොරොත්තු වුයේ ගණකාධිකාරීවරු  වැඩිපුර ඔපරේට් කිරිමටය.ඇඟ ඇතුලෙත් හැම දෙයක්ම නොම්මර දා පිලිවෙලට තිබීම ඔහුගේ කැමැත්තට හේතුව විය.

තෙවැන්නාගේ බලාපොරොත්තුව  විදුලි ඉංජිනේරුවන්ව ඔපරේට්  කිරිමටය.විදුලි ඉංජිනේරුවන්ගේ ඇඟ ඇතුලෙත් හැම දෙයක්ම කලර් කෝඩ්ස් දමා පිලිවෙලකට තිබීම ඔහුගේ කැමැත්තේ රහස විය.
පුරස්නය විමසූ වෙන්න ඩොකාගේ බලාපොරොත්තුව වුයේ නීතීඥයන්ව ඔපරේට්  කිරිමය.
එයට හේතුව විමසූ විට ,පිලිතුර ලෙසට වෙන්න ඩොකා කීවේ..
"නීතීඥයන්ට හදවතක් නෑ...,කොන්දකුත් නෑ.., අනික කටයි පුකයි මාරු කරා කියල අවුලකුත් නෑ" කියාය.

පොෂ් බඩ්ඩ...

දයානි කියන්නේ මොනරාගලට කිට්ටු ගමකින් මෙයට කාලෙකට කලින් කොලඹ රටට සංක්‍රමණය වෙච්ච ගෑනු පරානයක්.බඩවියත රැකගන්න රස්සාවක් කොරන්ට කියලා කොලඹ රටේ ගෙන්දගම් පොලව පෑගුවාට,පහු පහු වෙනකොට මේ ගෑනිටත් කොලඹ රටේ සුකුරුත්තන් පුයර බබීලගේ පොෂ් උන වැලදුනා.

සැලොන් වලට මාසෙකට හතර පස් සැරයක් ගොඩ වෙලා මූන හම ගහ ගන්න,ඇහැට උඩින් තියෙන ඇහි බැමේ මවිල් ටික උගුල්ලා ගන්න දයානිත් පුරුදු උනා..කොන්ඩෙට පොල්තෙල් ටිකක් ගාලා,මූනට පුයර ටිකක් ගාලා ගමේ හිටිය එකී,මූනේ ෆෙයාර් ඇන්ඩ් ලව්ලි ගාන්නත් කොන්ඩෙට සිලිකන් ඔයිල් ගාන්නත් ගත්තා.

ෆෙයාර් ලව්ලිවල පිහිටෙන් මූන සුදු වෙන එක කෙසේ වෙතත් දයානිගේ මූන හොදටෝම තැම්බිලා,තම්බපු ඉස්සියෙක් වගේ වෙලා.ඒ මදිවාට දිගට ලස්සනට තිබුන කොන්ඩය කපා දමලා ඉස්තිරික්ක කොරලා කොන්ඩය කෙලින් කොර ගෙන.

නොයෙකුත් ගන්ද විලේපන වලින් විකාර දස්සන කොරගෙන තම අහිංසක පෙනුම වෙනස් කොරගත් දයානි,කාලයත් සමගම තම නමද වෙනස් කොර ගත්තා.ඉංගිරිසියෙන් දයානි ලියනුයේද ඩයනි ලියනුයේද එක ලෙසටයි. ( Dayani ) මෙය මනාව ප්‍රයෝජනයට ගත් දයානි,ඩයනි ලෙසට තම නම වෙනස් කොර ගත්තා.ඩයනි ලෙස කාලයක් සිටි දයානි,දැන් ඩයනි කියන නමත් මාරු කොරගෙන.

දැන් දයානි,වෙනුවට ඉන්නේ කොලඹ පොෂ් කෑල්ලක් වන ඩයිනි.මොනරාගලට කිට්ටු ගමක් වන සියබලාන්ඩුවෙන් බඩ වියත රැකගන්න කොලඹ රටට ආපු දයානි දැන් නෑ.

මිනිස්සුන්ට අං එනකොට පරණ කං කැතවෙනවා.

පරන බෝඩිමට සමු දුන්න දයානි පොෂ් නමක් තියෙන කොලඹ තට්ටු නිවාසයක පදින්චියටත් ගියා. 

ගෙන්දගම් පොලවේ පොෂ් බඩ්ඩක් වීමේ උනෙන් පෙලුන ඩයිනිගේ බෝඩිමේද හිටියේ කොන්ඩය තඹ කොරගත් අමුතුම තාලේ මල සමයන් රැලක්.එක අත්තේ වහන්නේ එක ජාතියේ කුරුල්ලෝලු. සියබලාන්ඩුවෙන් ආපු මේ සමයමට බොඩිමේ හිටිය මල සමයන් ටිකත් තක්කෙටම ගැලපුනා.

මල සමයන් රැලත් එක්ක සමයන් නටනවා ඇරෙන්ට ඩයිනිටත් ගෙදර ගොස් තම දෙමාපියන් බලා සැප දුක් විමසා ඒමටවත් උනන්දුවක් තිබුනේ නෑ.

දුප්පත් දෙමාපියන් තමන්ව බලන්නට පැමිනෙනවාට ඩයිනි කැමති උනෙත් නෑ.ඒක නිසාම අලුත් බෝඩිමට ගියාට පසුව ඩයිනි තමන් ඉන්න තැන ගෙදර අයට කියලා තිබ්බේ නෑ.

දරුවෝ මොන දේ කලත් දෙමාපියන්ට තම දරුවන් වෙනුවෙන් හදවතේ උපදින දරු කැක්කුම නැති වෙන් නෑ.තමන්ව බලන්නට තමන්ගේ රත්තරන් දෝනි ගෙදර එන තෙක් මාස ගනන් බලා හිටිය දයානිගේ,අප්පොච්චායි,මෑනියැන්දායි දයානිව බලන්න දවසක් කොලඹ ආවා...

කලින් හිටි බෝඩින් කාමරයට ගොස් තම දියනියව සෙව්වද මේ අහිංසක ගැමියන්ට දයානිව හොයාගන්න බැරි උනා.දයානි දැන් ඉන්නා ඉසව්ව ගැන විස්තරයක් දීමට,බෝඩිමේ සිටි අය මානුශික වූයේ මේ ගැමියන්ගේ අහිංසක කම හා දරු සෙනෙහස ඔවුන්ටද හොදාකාරයෙන් දැනුන නිසාම වෙන්නට ඇති.

කොලඹ රට ගැන හාංකවිස්සියක් වත් දන්නේ නැති දුප්පත් ගැමියන් දෙදෙනා පයින්ම ඇවිද යමින් තම ආදර දෝනිව සෙව්වා.

දෝනි වෙනුවෙන් පිලියෙල කොරගෙන ආපු සුදු ලූනු හා හාල්මැස්සන් දැමූ තුඹ කරවිල බැදුම,ගැටපොලොස් මාලුව,හා නැවුම් කිරි හට්ටි කීපය ඔවුන් දෙදෙනාට අතිරේක බරක් නොවුයේ,දරු සෙනෙහසද,තම දියනිය දැක බලාගැනීමේ බලාපොරොත්තුවද දැඩිව ඔවුන්ගේ සිතේ පැලිපදියම්ව තිබු නිසායි.

රෑ වෙනතුරු පාරවල් ගානේ ඇවිදපු ගැමියන් දෙදෙනාට රෑ හත විතර වනවිට දයානි නතර වෙලා ඉන්නවා යැයි කියු තට්ටු නිවාසය සොයා ගැනීමට හැකි උනා.
බුලත් විටෙන් කට රතුකොරගත් ගැමියන් දෙදෙනාට තට්ටු නිවාසයේ ආරක්ෂකයාගෙන් හොද පිලිගැනීමක් ලැබුනේ නම් නෑ.පහල තැනින් ජලය ගලා යනවාක් මෙන් ආරක්ෂකයාද තම උපරිම හයිය හත්තිය,බලපුලුවන්කාරකම අහිංසක ගැමියන්ට පෙන්නුවා.

"අනේ රාලහාමි...අපේ දයානි දුව මෙහේ ඉන්නවා කියලා ආරංචි උනා. අපි ගොඩාක් දුර ඉදන් දුවව බලන්ට ආවේ.සමාවෙලා අපිට අපේ කෙලීව පොඩ්ඩක් බලන්ට දෙන්න රාලහාමි.."
සැර දමනා ආරක්ෂකයාට ගැමියන් හඩා වැටෙමින් තම දුක කියන්නට උනා...
"මෙහේ ඇති දයානියෙක් නෑ.යනවලා යන්න....."
ආරක්ෂකයා ගැමියන්ට සැර දමමින්ම  හනිකට මහල් නිවාසයේ ප්‍රදාන ගේට්ටුව විවෘර්ත කලේ ශාරිරික වියායාම කිරිමට ගොස් පැමිනෙනා මිචෙල් මිස්ගේ පැසෝ වර්ගයේ කාරය මහල් නිවාසයේ පහලම තට්ටුවේ ඇති රතගාල වෙත ඇතුලු කිරීමටයි.
රථගාලේ කාරය නවතා,කාරයෙන් මිචෙල් මිස් මෙන්ම ඩයිනි මිස්ද බැසගෙන පැමිනෙනු දුටු ආරක්ෂකයා ..
"අනේ බලන්න මිස්.මේ මිනිස්සු දයානියෙක් හොයනවා....කොච්චර කීවත් යන්නෙත් නෑ...යනවලා...යනවලා.." කියමින් ගැමියන් එලවන්නට විය.
තම දෙමාපියන් එකවරම හදුනාගත්තද ඩයිනි හෙවත් දයානි මුනිවත රැක්කේ ,තම මාන්නය ,බුලත්විටෙන් කට රතුකොරගත් අහිංසක දෙමාපියන් විසින් විනාසකර දමාවි කියන පුහු සිතුවිල්ලෙන් විය හැක.
"සිරිපාල ඔහොම මිනිස්සු ඇතුලට ගන්න එපා.එලවනවා...එලවනවා.ඔය අයව.." මිචෙල් මිස්ගේ ගෝරනාඩුවට ආරක්ෂකයා වහා ක්‍රියාත්මක විය.

ආරක්ෂකයා ගැමියන්ව එලවනා අවස්තාවේදී නෙතගැටුනු ගැමියන්ගේ දෑස් දයානි නොහොත් ඩයිනිට එදින රාත්‍රියේ නින්ද අහලකටවත් ලන් කලේ නැත.
"අපේ දයානි දුවත් අර නෝනා වගේමයි.අපි අපේ දුවට,ගෙනාපු කෑම ටිකක් තියෙනවා.ඒ නෝනාට මේ ටික දෙන්න" කියමින් ගැමියන් ගෙනා කෑම වර්ග ආර්ක්ෂකයාට දී ගොස් තිබින.
තමන්ව තම දෙමාපියන් හදුනාගත් බවට දයානිට එම කාරනය ප්‍රමානවත්ය.
කොතරම් විච්චූරන කලද දෙමාපියන්ට තම දරුවාව සුවදින් උවද හදුනාගත හැක.

රාත්‍රියේ නින්දත් නොනින්දත් අතර අතරමන්ව සිටි දයානිගේ හුස්ම හිරවෙන්නට ගත්තේ ගමේ කෙලවරින් ගලා බසිනා කිරිදි ඔයේ අතු ගංගාව වෙත නෑමට අප්පුච්චාගේ කර මතින් ගිය තම ළමාකාලය සිහිවය.
බත්හැලියේ හොද හරියෙන් බත්බෙදා තම සුරතල් දෝනිට කවා දන්කුඩ කන අම්මා මතක්ව දයානි රැය එලිවනතෙක් ඉකිගසන්නට ඇත.
දයානිගේ හර්දශාක්ෂිය ඩයිනිට රෑ එලිවනතෙක් දඩුවම් කලේය.

පසුදින හිමිදිරියෙන් ඩයිනිගේ සොහොනෙන් නැගිටගත් දයානි මොනරාගල බසයක නැගුනේ ඇදුම් බෑගයක්ද අතින්ගෙනය. 

කිරල කැලෑව...

+
"මහත්තයාට පේනවාද අර නැවක් වගේ පාවෙන වලාකුල.අර මම කලින් පෙන්නුව මිනී ඔලුව වගේ වලාකුලට යටින්..."
විනාඩි දහයක පමන නිහඩියාව බිදිමින් සුසන්ත අයියා නැවතත් කටහඩ අවදි කල නිසා නිසා පාට පාට ලෝකයෙන් මිදී,කිරල කැලයේ බන්ටෙක උඩට මා නැවතත් පැමිනුනා.....
බොද වු ඇස් අහස දෙසට යොමු කලද,ප්‍රතිඋත්තරයක් ලබා දිමට මා කම්මැලි කමක් දැක්වුයේ,බියර් මත නිසාම නොවෙයි.මෙවන් අවස්තාවකදී මා කැමති නිශ්ෂබ්දතාවයටයි.නිශ්ෂබ්දව සරල ගීතයකට සවන්දීමටයි.

ගිනිබෝලයාව මුහුදට වැටෙනා වෙලාවට,පොල්හේන බීච් එකට පැන ඔලුව පොගනාකල් නාගෙන කිරල කැලයට රිංගා හිස බරවනතෙක් බියර් බී ,අහසේ වලාකුලු මෙන්ම කලාමැදිරියන්ගේ කලා මැදිරි එලියන් බැලීමට මා ප්‍රිය කරමි.එසේ සිටිමින්, මනෝ ලෝකයේ සැරි සරනවා මිසක,කා සමගවත් කියවීමට මා කැමති නැත.ඉදහිට පියාබන වවුලෙක්,කොකෙක් ඇරුනුකොට,කිරල කැලයේ බන්ට් දහ අටේදිම අපගේ සමාදිය බිදීමට කිසිවෙකුත් පැමිනියේද නැත.
රාත්‍රි සමාජ ශාලාවක කරටි කැඩී ඇට්ටි හැලෙනකන් බ්‍රැන්ඩි හෝ රම් බී,පිස්සුවෙන් නටනවාට වඩා,කිරල කැලයේ ඇනිකෙට්ටුවකට ගොඩව,සුසන්ත අයියා සමග, දම් පාට අහසේ වලාකුලු රටා බලමින් ගත කරනා කාලය මා හට ගතේ සිතේ සියලු පීඩාවන්ට මනා සුවයක් ගෙන දේ.
යාන්ත්‍රික ලෝකයේ ඇති පීඩාකාරි බවද,අල්පේච්ච දිවියේ ඇති නිහඩ සැනසුමද මේ කාරනාවෙන් මා හට මනාව අවබෝද වෙයි.
කොලඹ කොන්කිරිට් වනන්තරයේ ඉපදුන මා හට,වලාකුලු රටාවල ලස්සන බලන්නටත්,කලුවරේ කලාමැදිරි එලිවල ප්‍රතිබාව බැලීමටත්,නිහඩව සිටිමින් ස්වබාවික පරිසරයේ සබ්දයන් රස විදීමටත් පුරුදු කලේ සුසන්ත අයියාය.
ජැමෙයිකානුවො සින්දු කීමට බොන බීමේ සිට සුදු හම ඇත්තන් සීතල නැතිවීමට බොන පානය දක්වා පානයන් බොහොමයක් ජීවිතයේ පලමු වරට අත්හදා බැලුවේද,සුසන්ත අයියා සමග කිරල කැලයේදීය.

සුසන්ත අයියාගේ හමුවිමද මහා පුදුමාකාර අහම්බයකි.
වෙලද කලමනාකරුවෙකු ලෙස සෑම දීපන්කරයකම ගැවසීමට හුරුව සිටි මා අතින්,මෙයට කාලයකට පෙරදී මාතර නගරයේදි මෝටර් බයිසිකල් කරුවෙකු අනතුරකට පත් විය.
කල වරද තේරුම් ගත් මා,තුවාලකරුව මාතර රෝහලටද ඇතුලත් කර මාගේ දුරකතන අංකයද ලබා දුන්නේ,මාගෙන් සිදු වූ වරදට ඔහුට සහනයක් ලබා දීමේ අරමුනෙනි.
හවස් වන විට තුවාලකරුගේ ඥාතියෙකු මා හට දුරකතනයෙන් ඇමතූ අතර වන්දියක් ලෙසට රුපියල් ලක්ෂ තුනක මුදලක් ඉල්ලීය.
සිදුවුන වැරැද්ද නිවරැදි කලයුතුමුත් එයට එවන් වන්දි මුදලක් අයකරගැනීම ඉතාම අසාදාරනයකි.
මා එම මුදල ලබා දීමට මැලි වු අවස්තාවේ,ඔහු දකුනේ ප්‍රසිද්ද පාතාලයෙකුගේ සහෝදරයෙක් බවත්,එම මුදල් නොදෙන්නේද මාගේ ජීවිතය සන්බන්දයෙන් ගැටලුවකට ලක්වන බවත් පැවසීය.
මුලු සිරිලංකාවේම අස්සක් මුල්ලක් නෑර බල්ටි ගසා තිබුනද මා යම් තැතිගැන්මකට ලක් වුයේ එම පාතාල කෙරුමාගේ කෙරුම් හොදින්ම දන්නා නිසාය.
යහලු මිත්‍රාදීන් කොපමන සිටියද,ලොව කොයි ජීවියාටත් ඇතිවන මරන බය මා හට හොදින්ම දැනින.පැන යාමට කිසිදු ඉඩක් නැත්තේ මාගේ සියලුම තොරතුරු අනතුරට ලක්වු පුද්ගලයාව රෝහලට ඇතුලත් කරනා අවස්තාවේදි ලබා දී තිබූ නිසාය.මා තනිවම විසදාගත යුතු පුරස්නයක් මා වෙත පැමින ඇත.
බ්‍රැන්ඩි බාගයක්ද ගෙන පොල්හේන වෙරලට ගිය මා,කාරයේ පසුපස දොර ඇර එහි හිදගෙන මුහුදු සුලං විදිමින්, සෙමින් බ්‍රැන්ඩි බාගය හිස් කරන්නට වීමි.
පුද්ගලයෙක් පැමින මාගේ අතේ තිබූ සිගරට්ටුවෙන් ,ඔහුගේ සිගරට්ටුව දල්වා ගත්තේය.
"මහත්තයා මෙතන බොන්න දෙන් නෑ.පොලිසියෙන් ආවොත් ප්‍රස්නයක් වෙයි"අමුත්තා එසේ කීවේ මාගේ හොදට බව මා හට වැටහින.
"තැන්ක් යු" කියමින් මා තවත් සිගරට්ටුවක් පත්තු කරන්නට විය.මුහුදු සුලග නිසා සිගරට්ටුව ඉක්මනින් දියව යයි.තදින් සිගරට් උගුරක් පපුවට පුරවාගත්තද දුන් ගුලි රටාවකට පිට කිරීම අපහසුය.සුලග නිසා දුම්ගුලි රටාවන් මැකීයයි.
"මහත්තයා තනියමද ආවේ...මම බලාන හිටියේ ටික වෙලාවක ඉදලා.මුකුත් අවුලක්ද?"
අමුත්තාටද මා ගැටලුවකට මැදිව ඇති බව දැනී ඇත.
මා කිසිවක් කීමට ගියේ නැත.
සිගරට්ටුව උරමින් මා දෙස ටික වෙලාවක් බලා සිටි අමුත්තා "මම එහෙනම් යන්නම් මහත්තයා" කියමින් ආපසු යන්නට විය.
ඈතට පියමනිනා අමුත්තාට අත්පුඩි ගසා කතා කලෙමි.
"ගන්න සිගරට් එකක්" සිගරට් පැකට්ටුව ඔහු වෙත දික් කලෙමි.
"ඕනා නෑ මහත්තයා" අමුත්තාද අමුතු සතෙකි.
"මහත්තයා මාතර නෙවේනේ.....මගේ නම සුසන්ත.තනියම මෙතන හිටි නිසයි කතා කලේ...උදව්වක් ඕනා නම් කියන්න"
නිශ්ෂබ්දව අමුත්තාගේ මුහුන දෙස ටික වෙලාවක් බලා සිටි මම මාගේ ප්‍රශ්නය ඔහු සමග බෙදා ගැනීමට තීරනය කලෙමි.
මාගේ කතාව අසා සිටි අමුත්තා...
"මහත්තයා බීලා ගිහින් ප්‍රශ්න විසදන්න බෑ....
මාත් එන්නම්....,ලෙඩාව බලන්න හෙට ඉස්පිරිතාලයට යමු..
ලෙඩාට අපි සාදාරනයක් කොරමු.මහත්තයාටත් අසාදාරනයක් නොවෙන විදිහට.
බය වෙන්න එපා...මම ප්‍රශ්නය විසදලා දෙන්නම්"
මාගේ සිතට සහනයක් දැනුනේ මා දැන් තනි නොවනා බව මසිතට හැගුනු නිසා වෙන්නට ඇත.
කියූ පරිදිම පසු දින ලෙඩාව බැලීමට රෝහලට යාමට අමුත්තා මා සමග පැමිනි අතර ,සතියකින් පමන ගැටලුව වඩාත් සාදාරන ලෙස විසදවා දුන්නේය.
කල උපකාරය හිලව් වීමට අතට රුපියල් දෙදහසක් උන්ඩිකර තැබු මා දෙස බැලූ අමුත්තා..
"මහත්තයා මම මහත්තයාට කල උදව්ව රුපියල් දෙදහාකින් මනින්න බෑ.අනික මම සල්ලි බලාන මහත්තයාට උදව් කලෙත් නෑ.ආයි කරදරයක් උනොත් මට කතා කරන්න..."කියමින් මුදල නැවත මා අතම තැබීය.
එලෙස ඇරබි සුසන්ත අයියා හා මා අතර ඇති හිතවත්කමට,වයසවත්,තත්වයවත්,මුදල්වත් කිසිදින බලපෑවේ නැත.

"මහත්තයා......"සුසන්තගේ කට හඩින් නැවතත් එක වරම  මා කල්පනා ලොවින් කිරල කැලයට පැමිනුනෙමි. 
කලුවරේ නිදහසින් දැහැනකට සම වැදී ඉන්නා මෙවන් වෙලාවක අප කතාකරනුයේ බොහොම අඩුවෙන්ය.

"මහත්තයාට ඇහෙනවාද දැන් යන ඔය  සින්දුව"

දෑතේ අතැගිලි හබලට ගෙවුනා
ගෙනියන්නට බැරි මහ බර තිබුනා
මෙතුවක් නොම ගිය බර අද දවසේ
මට හිනහීගෙන යනවා වාගේ...

ඔව්..ඔය අමරසිරි පීරිස්ගේ අලුත් සින්දුවක්...මා පැවසීය.(මෙය සිදුවුයේ 2009 වසරේදි පමනය )

"හරි හරි මහත්තයා....කාගේ උනත්...ඔය කියන්නේ අපේ හින්නි අප්පු මාමා ගැන.
ඔය අත්තුඩාවේ පාලම හදන්න කලින් මාමාගේ පාලම් පාරුවේ තමයි ඔක්කෝම මිනිස්සු එහාට මෙහාට ගියේ...දැන් මිනිස්සු පාලම් පාරුවේ යන් නෑ..පාලම තියෙන නිසා..
මිනිස්සු ගියත් නොගියත් හින්නිඅප්පු මාමා තාම පාලම් පාරුව තියාන ඉන්නවා....
අවුරුදු පනහක් විතර මිනිස්සුන්ව ගගෙන් එහා මෙහා ගෙනිච්චේ අපේ මාමා...මාමාට   දැන් වයසයි.."
කිසිම දිනකදී සුසන්ත මෙවන් උද්යෝගයකින් කතා කරනවා මා දැක තිබුනේ නැත.සුසන්ත එක දිගටම කියවාගෙන යයි.

ඒ අතරින් මට ගීතයද ඇසේ.

කවුරුවත් නෑ..කවුරුවත් නෑ..
එගොඩට යන්නට එගොඩට යන්නට
ඉරගල වැටිලා ඉවුර දෙපැත්තේ
අදුර ගලනවා පාරුව ඇතුලට
ලන්තෑරුම කෝ ඔහෙ තිබුනාවේ
කවුරුවත් නෑ..කවුරුවත් නෑ..

මා ප්‍රියකරන ගීතයක මූල බීජය ගැන සුසන්ත කියවාගෙන යයි...
ජීවිතයේ යතාර්තය ගැන ගැඹුරු පනිවිඩයක් දෙන ගීතයක් සරල කතාන්දරයකින් ගොඩ නැගී ඇති අයුරු අපූරුය.

දවසින් දවසම පාලම හැදුනා
පාලම් මෝලේ හෙණ හඩ ඇසුනා
කිරල කැලෑවේ කුරුලු කොබෙයියන්
ගම හැරදාලා යන්න ගිහින්...

ඔය පාලම හදන්න ගත්ත දවසේ ඉදලාම හින්නි අප්පු මාමාව විනාස උනා මහත්තයා...
පාලමේ වැඩ චැක් කොරන්න ආව ඉන්ජිනේරුවෙක් මාමාගේ දුවගේ බඩට දරුවෙක් දීලා පැනලා ගියා...
ඒකාව හතර දික් බාගෙම හෙව්වත් හම්බ උනේ නෑ මහත්තයෝ..
ඒක ගැන හිතලාම නැන්දා ලෙඩ ඇදට වැටුනා...
අන්තිමට දෝනියැන්දා ඔය පාලම ලග නුග ගහේ එල්ලිලා මලා . . .

ගීතයේ සදහන් ආකාරයටම පාලම කිරල කැලෑවටද,හින්නි අප්පු මාමාගේ ජීවිතයටද විනාශය රැගෙනවිත් ඇත.

සංවර්දනය කෙනෙකුට යහපතද කෙනෙකුට අයහපතද ගෙනෙනා අයුරුනම් මහා පුදුමාකාරය.

"මේ හරියේම කවුරුහරි කෙනෙක් වෙන්න ඕනා ඔය සින්දුව ලියන්න ඇත්තේ...
යමු..යමු මහත්තයා හින්නිඅප්පු මාමාවයි පාලමයි මහත්තයාට පෙන්නන්න...."සුසන්ත පාලම් පාරුව පෙන්වීමට යාමට හැල්මේ දිවීමට සැරසේ.

කිසිම දිනෙක කිරල කැලෑවේ බන්ට් එකකින් වේලාසන නැගිට නොගිය මා මෙවේලේ හින්නි අප්පු බැලීමට යාමට තීරනය කලේ අමුතුම හැගීමක් මා සිතටද ඇතුලුව තිබු නිසාය.

ටියුබ්ලයිටා..

සමහර මිනිසුන් සමාජ සම්මතයෙන් වෙනස් වු වැඩ කරයි.
විටෙක එතුලින් නව අදහස්,නව නිර්මාන බිහි වේ.ජයග්‍රහන ලැබේ.
තවත් විටෙකදී වෙනස් වැඩ කිරීමට ගොස් අනා ගැනීමටද සිදු වේ.
අනාගෙන කෙලවා  ගත් විට පිස්සු වැඩ කොරනවා යැයි කට කැඩුනු කතා ඇසීමටද සිදු වේ.
මිනිසුන් පිස්සු වැඩ කොරනා අයට පිස්සො යැයි කියති.
දකින්නා දකිනාකාරය අනුවද,දකින පුද්ගලයාගේ මානසික මට්ටම අනුවද මනිනාකාරය තීරනය වන නිසා,කෙනෙකු පිස්සෙක් හෝ බුද්දිමතෙක් බවට නිරායාසයෙන්ම පත්වන්නේ ඔහුටත් හොරෙනි.


ඉක්කොලේ යන කාලයේ දඟයාට හරි අපූරු මිතුරන් පිරිසක් සිටියේය.උන්ද ලෝකය උඩු යටිකුරු කොර බලන,මොලේ මාන්දම හැදුනු,අමුම අමු පිස්සු පූසන් රැලකි.
ඔය පිස්සු පූසන් රැලේ ටියුබ්ලයිට් කියා පූසෙක්ද සිටියේය.නමේ පරිසමාර්ත අර්තයෙන්ම මේකා ටික වෙලාවක් ගොස් පත්තුවෙන අන්දමේ එකෙක්ය.පලවෙනිදා කියු දෙය ටියුබ්ලයිටාට තේරුම් යන්නේ දහවෙනිදාය.

බාතිය සහ සන්තුශ් කරලියට පැමිනි මුල් කාලයේ ස්කූල් බසයේ,බජව්වට බාතියලාගේ සින්දුවක්ද චොර කොරනා ලදී.සින්දුව හරිහමන් ආකාරයට ඉවරකොර ගැනීමටද පෙර ටියුබ්ලයිටාට අපූරු පුරස්නයක් ඇතිවෙලා තිබින.ස්කූල් බසයේ සිටි ගැටිස්සියන්ටද ඇසෙනා ලෙස ටියුබ්ලයිටා තම පැනය යහලුවන්ට යොමුකලේ තමන්ගේ දැනුවත්බාවය පෙන්වීමටය.
"මචන්..ඔය සින්දුව කියන්නේ අලුත් එවුන් දෙන්නෙක්.එකෙක් බාතිය සන්තුශ් කියලා ඩයල් එකක්.අනිකාගේ නම නම් තාම හොයනවා...."
බස් එකේ සිටි කෙලි පැටික්කියෝ බහුතරයක් ටියුබ්ලයිටාව හරියාකාරවම අදුනාගත්තේ එදාය..

ටියුබ් ලයිටා පම්පෝරිගැසීමටද උපන් හපනෙකි.පසුකලෙක දැනගත් පරිදි ජම්බු ගහක්වත් නැති ෆ්ලැට් එකක ජීවත් වුනත් නුවර එලියේ අක්කර පහක පෙයාර්ස් වත්තක් අප්පච්චිට ඇති බවත්,අප්පච්චි බිස්නස් එකක් ලෙස පෙයාර්ස් පිටරටට පටවන බවත් ටියුබ් ලයිටා නිතරම පම්පෝරි ගැසීය.
අවුරුද්දේ එක කාලයකදී පාරවල් අයිනේද ගොඩ ගසා පෙයාර්ස් විකුනයි.එවන් කාලයකදී පාරක් අයිනේ ගොඩ ගසා තිබෙන පෙයාර්ස් දුටු තවත් පාපමිත්‍රයෙකු
"මේ පාර වත්තේ පෙයාර්ස් හැදුන් නැද්ද මතන්..යැයි ටියුබ්ලයිටාගෙන් ඇසීය.
"මතන් ...මේ පාරනම් පෙයාර්ස් හැදිලා තියෙනවා....පුදුම හැදිල්ලක්..
මේන් මේ තරම් විතර ඇති...
උබලාට කියන්න අපේ අප්පච්චි බල්ගේරියාවට පටවනවා ලොකු ඉටිකිරිස් පෙයාර්ස් ජාතියක්..
ඒ පෙයාර්ස් ගෙඩියක් කොච්චර ලොකුද කියනවානම් මතන්...,
දුසිමටම අල්ලන්නේ ගෙඩි තුනයි මචන්...."
එතනින් එහාට ටියුබ්ලයිටාට විශාල කේදවාචකයකට මුහුනදීමට සිදු වු අතර,ටියුබ්ලයිටා එදායින් පසුව කිසිදිනෙක පෙයාර්ස් තබා ඇපල්,දොඩම් ගැනවත් කතා කලේ නම් නැත.

අතේ සතේ නැති දිනයකදී උවද ටියුබ්ලයිටාට ඩොනල් මාමාගේ කඩේට හෝ කන්තුකි මාමාගේ කඩේට රින්ගා චිකන් කෑලි කන කෙල්ලන් දිහා බල බලා කෙල ගිලිමින් දුප්පත් අයිස්කෝන් කෑමේ තදබල දැවිල්ලක් විය.මෙසේ අයිස්කිරින් ලෙවකමින් සිටිනා විට ටියුබ්ලයිටා සිතනුයේ තමා ලොකේ ලොකුම පොරක් කියාය.එලිසබෙත් ආන්ටිත්,විලියම් අයියත් එවිට ටියුබ් ලයිටාගේ ලගම ලේ නෑයන් බවට පත් වේ.
එලෙස සිටි දිනෙක අදාල ස්තානයේ ඇති කූල් එකට ඔලුව පෙගී,මොලය නරක් වී "නංගිගේ උපන්දිනයට පීසාහට් කෑවා" යැයි කියා බොග නා ගත්තේ අප සියලු දෙනාම පීසා කෑ හැකි නමුත් පීසාහට් එකක් කෑ හැකි බව හොදාකාරයෙන්ම දන්නා නිසාය.

එක කාලයකදී ටියුබ්ලයිටාටද ලව්මාන්දම තදබල ලෙසටම වැලදිනි.
ශරීරයේ නොපෙන්විය යුතු ස්තානයන්ද වඩාත් පෙන්නාගෙන ස්කූල් බස් එකේ යන මේ සුකුරුත්තමේද නට් සහ බෝල්ට් ඇන මාරු වී ඇති බව ටියුබ් ලයිටා ඇරෙන්නට අනිත් සියල්ලෝම දැන සිටියහ.

ටියුබ්ලයිටා,සුකුරුත්තමට වඩා අඟල් තුනක් පමන කොට විය.අඟල් කීපයක් උස සපත්තු දෙකක්ද දමාගෙන මාස ගනනාවක් සෙම හැලුවද සුකුරුත්තම තම ආදර විජිතයට නොඑනා බව දැනගත් ටියුබ්ලයිටා,මිතුරු උතුමන්ලාගෙන් උපදෙස් ඉල්ලා අඩා වැලපෙන්නට විය.
තම දයාබර මෑනියන්දෑගේ වලල්ලකට වගකියා මිත්තරයන් හට බෝතල් පූජාවක්ද කර ඉතිරි මුදලින් ප්ලෑනට උවමනා වෑන් එකක්ද ටියුබ් ලයිටා සපයාගත්තේ,ආදර ප්‍රාර්තනා ටොන් ගනනින් පොදි බැදගෙනය.
ප්ලෑනේ හැටියට සුකුරුත්තම ක්ලාස් ඇරී ගෙදර යන පාරේදී කොල්ලෝ පිරිසකගේ නොමනා විහිලුතහලුවන්ට හසුවේ.අදාල අවස්තාවේ අහන්බයෙන් සිද්දියට එන්ටර් ද ඩ්‍රැගන් වන ටියුබ්ලයිටා තම පෙම්බරියව කොල්ලන්ගෙන් බේරා ගැනීමට උත්සාහ කොරයි.කොල්ලෝ පිරිස වැඩි නිසා ටියුබ්ලයිටා සුකුරුත්තම සමග සුකුරුත්තමගේ ගෙදර ඇතුලට පසු බසී...ඉන් පසුව සුකුරුත්තමගේ වීරයා වන්නේ ටියුබ්ලයිටාය.
නියම කොරගත් දිනයේදි ජැන්ඩි හතට ඇඳ ටියුබ්ලයිටා ගුටි කන්නට සූදානම්ව ස්තානගතව සිටියේය.දඟයා ඇතුලු චග්ගෝලයන්ද කලු ඇදගෙන,තොප්පි දමා,නපුරු පෙනුමන් මවාගෙන අවට ගැවසෙමින් පැලෑනට අනුව හැඩ ගැසී සිටියේය.
සුකුරුත්තමද සුපුරුදු පරිදි ලැසි ගමනින් ගෙවල් දෙසට පාවෙමින් සිටිනා කල්හි දඟ සැට් එකේ ගොබිලෙක් සුකුරුත්තමගේ කොන්ඩ පටියෙන් ඇද්දේය.
"අඩෝ කල්පයා ඔය කොන්ඩ පටිය දීහන්" කියාගෙන ටියුබ්ලයිටා ගේමට ඇන්ටොර් විය.
සට පට!@#$%&~* හඩින් මයියොක්කා දඩු ටියුබ්ලයිටාගේ පිට හරහා,පිට කිස්කමින් ඇදී ගියේය....
ඊ ලගට බටලයිටාට තිබෙනුයේ සුකුරුත්තමද ඇදගෙන ගේ අතුලට දිවීමය..ඊට පෙර සුකුරුත්තම කෑ ගසන්නට වුවාය.
"අම්මි..අර පිස්සයි...පිස්සගේ යාලුවෝ කට්ටියයි ඇවිත් පිස්සු නටනෝ...
ඉක්මනට තාත්තිට එන්ට කියන්ටො....."
ටියුබ්ලයිටා "කල්පයා" ලෙස නම කියමින් එතනට කඩන් පාත්වුන නිසා,සුකුරුත්තම අපව අදුනාගත් බව දැනගත් දඟකල්ලිය ඇගබේරා ගැනීම සදහා පලායාමට සූදානම්ව තිබුන වෑන් එකට නැග පලාගිය අතර,වීරයා චරිතයයට පන පෙවු ටියුබ්ලයිටාද,වීරචරිතය පැත්තකට දමා තම පන බේරාගන්නට අප සමගම වෑන් එකට නැගගෙන තිබින.

සා.පෙල විශිශ්ට සම්මාන නමයක්ද සහිතව ඉහලින්ම සමත් වුන ටියුබ්ලයිටා,උසස් පෙල පෙල විබාගය දෙවරක්ම අනාගත්තේය.අවම වශයෙන් සාමාර්තයක්වත් ලබා ගත්තේ නැත.
කාලයාගේ ඇවෑමෙන් විශාල වියදමක් දරා ජපන් රටට නැව් නැගුන
ද,ටියුබ්ලයිටාට මාසයක්වත් සකුරා මල් බලන්නට වරම් ලැබුනේ නැත.ලක්ෂ ගනනාවක් වියදන් කර ජපන් රටට ගොස් රුපියල් තිස්පන්දාහක ජන්ගමයෙක් හොරකන් කර එරට පොලෝසියට අසුව ටියුබ්ලයිටාට හැරන තැපෑලෙන් ලන්කාවට එන්නට සිදු විය.

එවන් වීර ක්‍රියා රැසකදී පන බේරාගත් ටියුබ්ලයිටා දැනුදු දඟයාගේ පරම මිතුරෙක් නමුදු දඟයා දැනුදු කල්පනා කරනුයේ සා.පෙ විශිෂ්ට සම්මාන නමයක් ගෙන උ.පෙල නා ගත් ටියුබ්ලයිටා පිස්සෙක්ද ,නෝඑසේනම් බුද්දිමතෙක්ද යන්නයි.

ජයග්‍රහනය...

ජීවිතයට වැදගත් දේවල් ටිකක් ලියන්න කියලා හිතුනා....
කෙනෙකුගේ ජීවිතයේ සතුට,ජයග්‍රහනය,ඇතුලු සියලුම දෙය රදා පවතින්නේ එම පුද්ගලයාගේ ආකල්ප මතයි.පුද්ගලයෙකු ජයග්‍රහනය කරා මෙහෙයවන්නේද,පරාජය කරා ඇද දමන්නේද,එම පුද්ගලයාගේ සිතුවිලි හෙවත් ආකල්පයි.
පරාජිත සිතුවිලි ඇත්තා සිතින් වචනයයෙන් ක්‍රියාවෙන් පරාජය වන කල්හි,ජයග්‍රාහී සිතුවිලි ඇත්තා ජයග්‍රහනය හඹා යයි.කෙටිකාලීනව අසමත්වූවද,අසමත්වීම පන්නරයක් කරගෙන,සිදු වු වැරදි නිවැරදි කරගෙන ජයග්‍රහනය වෙත පිය නගයි.

මේ මොහොතේ මෙය කියවන ඔබද,සැබැවින්ම ජයග්‍රාහකයෙකි.
පුරුෂ බීජානු ලක්ෂ ගනනකින් ප්‍රමුකයාව ඔබ මෙලොවට ජනිතව ඇත.
පෙර කලාවු කුසලකර්මයන් හේතු කොටගෙන හෝ  කිසිම අවයව විකුර්තියකින් තොරව,මාරාන්තික රෝගයකින් තොරව, මනසින් උසස් මනුස්සයෙකු ලෙස මෙලොව එලිය දැක ඇත.
මොහොතක් දෙනෙත් පියා සිතා බලන්න. 
ඔබ කිසියම් තිරිසන් සතෙකු ලෙස උපත ලැබුවේ නම්,මේ මොහොතේ ඔබගේ තත්වය.
නො එසේ නම් අබ්බගාතයෙකු ලෙස,ඇස් නොපෙනෙන කෙනෙකු ලෙස මොහොතක් සිතා බලන්න....
ඔවුනට සාපේක්ෂව ඔබ කොතරම් ඉදිරියෙන් සිටිනවාද?කොතරම් පහසුකම් ප්‍රමානයක්ඔබට ලැබී ඇත්ද?
ඔබට ඇති සම්පත් ප්‍රමානය අනුව ඔබට ඇති දක්ෂතාවය අනුව ඔබට තව කොපමන ජයග්‍රහනයන් ලබාගත හැකිද?

ඔබ දන්නවාද?

*කීර්තිමත් සංගීතඥයෙකු වු බිතෝවන් බිහිරි පුද්ගලයෙකු බව.

*ශේෂ්ඨ ග්‍රීක රචකයෙකු වු  Demosthenes  නහර ගැට ගැසුන ගොතයෙකු බව.

*ඇමෙරිකාවේ දහසයවන ජනාදිපතිවරයා වු ඒබ්‍රහම් ලින්කන් යනු දුප්පත් ගොවියෙකුගේ පුතෙකු බව.

*ඇමෙරිකාවේ තිස්දෙවන ජනාදිපතිවරයා වු ෆ්‍රෑන්ක්ලින් ඩී. රොස්වෙල්ට්ගේ කකුල් දෙකම ආබාදිත බව සහ එම නිසා ඉතාම අමාරුවෙන් ඇවිදපු බව. 

*ලොව වැඩියෙන්ම විකිනෙන රෙදි සේදුම් කුඩු  වර්ගය වන "නිල්මා"රෙදි සේදුම් කුඩු සමාගමේ හිමිකරු වන කේ.කේ.පටෙල් යනු ගොවියෙකුගේ පුතෙකු බව.(ඔහුගේ වසරකට දල අදායම කෝටි 1200කි.)

*ලොව විශාලතම හෝටල් ජාලයක හිමිකරු වන M.S.ඔබරෝයි ලිපිකරුවෙකු බව.

*වසරකට කෝටි පහක පමන අදායමක් ඇති Shingar Bindi නම් රූපලාවනය නිෂ්පාදන ආරම්බ කලේ ඉන්දියානු රුපියල් සියයකින් බව.

*කව්පෙත්ත විසිකිරීමේ උසව්වේන් ඉන්දියාවට රන් පදක්කම් එකසිය පනහක් පමන හිමි කර දුන් Malathi holla පෝලියෝ රෝගය නිසා සැත්කම් විසිපහකට පමන මුහුන්දුන් කෙනෙකු බව.

ඉහත විස්තර සදහන් සියලුම දෙනා කිසියම්වු අකාරයකින් ජීවිතය දිනුවෝ වෙති.

එසේ නම් අපටද ජයග්‍රහනයේ සතුට නියතවශයෙන්ම ලැබිය හැකි නොවේද?

ඕනෑම කෙනෙකුට අරමුනක්,ඉලක්කයක් තිබිය යුතුය.ඉලක්කයක් නොමැතිනම් දියුනුවක් හෝ ජයග්‍රහනයක් නොමැත.

යම් කිසි අරමුනකට යෑමේදි බාදක යනු සාමාp³ය දෙයකි.

ගගක් වුවද ,ගල්,මුල් බාදක හරහා ගලා යයිද වඩාත් ලස්සනය.

කිසිම දිනෙක බාදක වලට බය නොවන්න.යම් කිසි සැලස්මකට වැඩ කරමින් ඉදිරියට යන්න.බාදකයන්ට නොසැලී මුහුන දෙන්න.ඔබගේ ගමන කිසිවෙකුටවත් නවතනු නොහැක.

දුප්පත් ගොවියෙකුගේ පුතෙකු වුන ඒබ්‍රහම් ලින්කන්ට පලමුව තම රැකියාව අහිමි විය.

රැකියාව අහිමිව ගිය ලින්කන් වියාපාරයක් පටන් ගත් අතර එයද අසාර්තක විය.

මාරාන්තික අසනීපයක් වැලදීමන් බිරිදද මිය ගියේය.

නීතිකාරකසබාවට තරගකර පරාජයට පත්විය.

ජනාදිපතිවරනයට තරගකිරීමට නාමයෝජනා ලබා දීමට තරග කර පරාජයට පත්විය.

ඉඩම් නිලදාරී තනතුරට තරග කල අතර එයද නොලැබී ගියේය.

සෙනට් සබාවට තරග කල අතර පරාජයට පත්විය.

උප ජනාදිපති තනතුරට තරගකල අතර පරාජයට පත්විය.

නැවත වතාවක් සෙනට් සබාවට තරග කල අතර පරාජයට පත්විය.

තවත් වීමට ඇත්තේ කුමක්ද?

ඔබ නම් මීලගට කරනුයේ කුමක්ද?

ඒබ්‍රහම් ලින්කන් කලේ කුමක්ද?

වසර දෙකකට පසු තමන්ගේ අඩු පාඩු හදා ගනිමින් නැවත ඇමෙරිකානු ජනපතිවරනයට ඉදිරිපත් වුන ලින්කන් ඇමෙරිකාවේ දහසයවන ජනාදිපතිවරයා බවට තේරී පත්විය.

අදටත් ඇමෙරිකානු ඉතිහාසයේ විශාල පිටුවක් ඒබ්‍රහම් ලින්කන් නමින් ලියවී ඇත.ලින්කන්ද  පරාජයන්,බාදකයන් හමුවේ සැලුනානම් ලින්කන් යන චරිතය අපි කවුරුවත් නොදන්නා නොඇසු චරිතයක්ම වනු ඇත.

යම්කිසි අසමත්වීමකදී...

*පරාජිතයෙකු ලෙස කිසිවිටකත් නොසිතන්න.තවමත් තමාට සාර්තක වීමට බැරිවුන බව පමනක් තරයේ සිතට ගන්න.

*ඔබට කිරීමට ඇතිදෙය ගැන තවදුරටත් සිතන්න.ඔබ අසමර්ත වීම තුලින් යම් දෙයක් ඉගෙන ගත් අතර සමත්වීමට තව දේවල් ඉගෙන ගත යුතු බව මතකයට ගන්න.

*කිරීමට නොහැකි වැඩක් නැති බව සිතන්න.ජයග්‍රහනය  කිරීමට තවත් මාර්ග ඇතිබව සිතට ගන්න.ජයග්‍රහනයට මාර්ග සොයන්න.

*කිසිදිනෙක බලාපොරොත්තු අතහැර නොගන්න.ඉලක්කය කරා යාමට වඩාත් උනන්දුවෙන්,කැපවීමෙන් උත්සහ කරන්න.

*යම් කිසි දිනෙක ජයග්‍රාහකයෙකු වන බවත් ඒ සදහා ඇත්තේ තවත් ටික දුරක් පමනක් බව නිතරම විශ්වාස කරන්න.

ජයග්‍රහනය ගැන සිහින මවන්න.ජයග්‍රාහකයෙකුව සිහිනයේ සිටින්න.තරගකාරීව වැඩ කරන්න.තරගය තුලින් ඉදිරියට ගොස් ජයග්‍රහනය කරන්න.කිසිවෙකුට ඔබේ ජය නවතාලිය නොහැක.

නිතරම අන් කෙනෙකු කරනවාට වඩා අතිරේක දෙයක් කරන්න.එය කුඩා දෙයක් වූවද,ඔබට එතුලින් විශාල ජයග්‍රහනයකට යාමට පාර සකසනු ඇත.

එම අතිරේක දෙය තුලින් ඔබගේ රැකියාස්තානයේ ප්‍රදානියාට  ඔබව,අන් අයට වඩා ඉහලින් කැපී පෙනෙනු ඇත.පාසලේ ගුරුවරුන්ට ඔබව වෙනත් සිසුන්ට වඩා ඉහලින් පෙනෙනු ඇත.

*මීටර සියයේ ජයග්‍රාහකයා තීරනය කරනුයේ තත්පරයේත් සියයෙන් කොටසක වෙනස අනුවය..තත්පරයක ඇති වටිනාකම උසේන් බෝල්ට් හොදින්ම දනී.ජැමෙයිකාවේ දුප්පත් පරිසරයක උපත ලැබු බෝල්ට්ව ලොවම දන්නා පුද්ගලයෙකු බවට පත්කලේ තත්පරයේ වෙනසයි.

*සෙල්සියස් අංශක 99දී ද්‍රවයක්ව පවතින ජලය සෙල්සියස් අංශක 100දි ජලවාශ්ප බවට පත්වේ.එම ජල වාෂ්පයන් තුලින් වාෂ්ප එන්ජිමක් ක්‍රියාත්මක කරයි. ටොන් ගනනාවක් බරැති දුම්රියක් ඇදගෙන යයි.

*පහවසර තරගවිබාගයේදී ලංකාවේ පලමුවෙනියා සහ සියවෙනියා අතර ලකුනු වෙනස බොහෝ විට ඉතාම කුඩා ලකුනු ගනනකි.සරසවි ප්‍රවේශයේදී ලකුනක වෙනසකින් තවත් වසර ගනනාවක් සරසවි සිහිනය පසුපසට යා හැකිය.නැතහොත් ජීවිතකාලයෙන්ම සරසවි සිහිනය මැකී යා හැකිය.

සෑම විටම පලමුවෙනියා වන්නට උත්සාහ කරන්න.බොහෝ විට සියලුදෙනාටම මතක හිටිනුයේ පලමුවෙනියා පමනි.

සුනිලා...

දඟයාට එක එක ජාතියේ වගේම එක එක වයස් මට්ටම්වලද මිතුරන් සිටියි.
දඟයා සමග මිතුරුකමක් පවත්වන වයසකම මිත්තරයා සුනිල්ය.
ගමේම මිනිසුන් සුනිල්ව නොදන්නා නමුදු සුනිලාව නම් දනියි.
(ගමේම ඈයෝ සුනිල්ව හදුන්වන්නේ සුනිලා ලෙසයි)
සුනිලා මැදිවියද පසුකල හිතින් තවමත් තරුන වයසක කොල්ලෙක්.
හිතින් කොල්ලෙක් උනත් සුනිලා බරපතල වගකීම් සහිත පියෙක්.
සුනිලාට දරුවන් හය දෙනෙකි.
සුනිලාගේ කරුමෙකටද,වාසනාවකටදෝ,මේ දරුවන් හය දෙනාම කෙල්ලෝ.
තම දරුවන් සම්බන්දයෙන් බමනමතින් කතා කොරන අවස්තාවලදී සුනිලා නිතරම කියනුයේ...
"හයපාරක් ට්‍රයි කොරලත් කොල්ලෙක් හදාගන්න බැරි උනා.තව කොච්චර ට්‍රයි කොලත් ඔච්චරම තමයි කියලා හිතාන හිත හදාගත්තා."කියායි.
දුප්පත්කමින්ද, පවුල් බරින්ද මිරිකෙමින් අමාරුවෙන් ජීවිතය ගත කොරන සුනිලා වඩාත්ම අපහසුවට පත්ව ඇත්තේ බාර්යාවගේ පීඩනයටයි.
(එය හරියාකාරවම පැහැදිලි වන්නේ සුනිලාගේ ඔලුවේ ඇති සියලුම කෙස් බාර්යාව විසින් ගලවා දමා ඇති නිසාය.)

උදේ පාන්දර නැගිටපු වෙලේ සිට පටන්ගන්නා බාර්යාවගේ කුරු..කුරු කන්කරච්චලය සුනිලාට ජීවිතය එපා වන තරමට එපා කරපු කන්කරච්චලයක් බව සුනිලා ගමේ හැමෝටම කීවේ නෑ.
නමුත් දුක තුනී කොරගැන්මට අරක්කු ටිකක් බී සූර් වු දිනවලට සුනියා මුලු බාර් එකටම ඇහෙන්න කියන ප්‍රසිද්ද පරන දෙමල තනුවක් ඇති, (අඩී එන්නඩී රාකම්මා..) සුනිලාගේම දුක ගැබ්ව,සුනිලා විසින්ම නිර්මානය කර ඇති  සින්දුවෙන් ඒ බව මුලු ගමම දැන ගත්තා.

අනේ අම්මපා නොබදින්නයි හිටියේ

ගෑනු ගැන දන්න නිසා....

අපේ අම්මගේ වදයට බැන්දා

ලැබුවා නරක දසා.....//

හාල් සේරුවක බත් කනවා

කාල එතනම දොයියනවා..//

බාරි මගේ හොද හැඩකාරි

මා නැති කල ගොන් ඊරී...//

සුනිලාගේ මල අදෝනා සින්දුවේ තව පදපේලි බොහොමයක් ඇති මුත් දඟයාට සියලුම පද මතක නැත. 

සුනිලාටද අමතකවීමේ රෝගය තදින්ම වැලදී ඇත. 

රැකියාවට ගොස් නැවත නිවසට යන සුනිලාට අතරමගදි බාරියාවගෙන් දුරකතන ඇමතුමක් ලැබේ.

ගෙදරට උවමනා හාල්,සීනි,මාලු වැනි අඩුම කුඩුම ලයිස්තුවක් දුරකතනය මාර්ගයෙන් සුනිලාගේ බාර්යාව සුනිලාට පවසයි.

නමුත් ඇගේ අමාරුව යාමට බාර් එකෙන් ශොට් එකක් දාගන්නා සුනිලාට බිරිදගේ බඩු ලයිස්තුව අමතක වේ.

කලුමහත්තයාගේ කඩය ලගට ගොස් තම තට්ටය කසමින් බාරියාව රැගෙන ඒමට කියු අඩුම කුඩුම මතක් කොරනා  සුනිලාට කවදාවත්ම බාරියාව කියු බඩු ලැයිස්තුව හරියාකාරව මතක් වන්නේ නම් නැත.

සමහර දිනෙක ගෙන ඒමට නොකී දෙයක් රැගෙන යන සුනිලා බාර්යාවගෙන් බැනුම් අහන්නේ.."අපරාදේ මේ මිනිහා නිකාන් සල්ලි නාස්ති කොරනවා" කියාය.
රැගෙන ඒමට කියු දෙයක් අඩුවෙන් ගෙන ගොස් තිබුනහොත් "මේ මිනිහාට සිහිය නෑ...කවමදාවත් හරියකට වැඩක් කොරන්න බෑනේ අප්පා"..බ්ලා..බ්ලා...

බාරිගෙන් හොදක් ඇසූ දවසක් මතක නැති බව සුනිලා හොටු පෙර පෙරා කියනා විට එය අසා සිටින කිසිවෙකුත්,කිසිම දිනෙක දීගෙක නම් නොයනු ඇත.

දිනක් බාරිගෙන් නොසෑහෙන්න බැනුම් අසා,දුක තුනී කොර ගැනීමට අරක්කු බෝතලයක් පමන පානය කොර වැනි වැනී පාරේ යන සුනිලාව දඟයාට මුන ගැසුනා.

දඟයා:මොකදෑ යකෝ..තෝ බීලා බීලා නහින්න හදනවාද?ළමයි ඉන්න තාත්තෙක් නේද බොල?

සුනිලා:අනේ බලහන් දග පුතේ..දරුවන්ගේ අම්මා හැමදාම නැගිට්ට පැදුරෙන් මාව කන්න තනනවා........
මම මොනා කොලත් වැරදියි.මට එපා වෙලා තියෙන්නේ ජීවිතයම...බ්ලා..බ්ලා..

දඟයා:ගෑනි ගේන්න කියන එව්වා අමතක වෙනවානම් කොලයක ලියාන පල...

සුනිලාට වෙරි හිදුන සෙයකි.
"ඇත්ත නේන්නම්...වයසට ගිහිල්ලත් මට ඕක මීටර් නොවිච්ච හැටි....දඟයාගේ ටිකිරි මොලේ තමයි මොලේ..."කියමින් සුනිලා ඩෝප් පිටම දඟයාව ඉබින්නට ට්‍රයි කොලද ...
"පලයන් යකෝ යන්න...උඹ ගෑනිගේ ඇරියස් අල්ලන්නේ මගෙන්ද" අසමින් දඟයා එතනින් මාරු විය.
(දඟයා සුනිලාට කුමක් කීවද සුනිලා කරබාගෙන ඉදියි.එය දගයාට ඇති ගෞරවයද නැතිනම් අහවල් එකද කියා නම් දඟයා දන්නේ නැත.)

පසු දින සෙනසුරාදාවක් විය.නිවාඩු දිනයක් නිසා සුනිලාගේ ගෙදරට සුනිලාගේ බාර්යාවගේ රත්තරන් මලනුවන්ද පැමින තිබින.
වදකබාරිය සුනිලා කැදවා විශාල බඩු ලැයිස්තුවක් කියාගෙන කියාගෙන යන්නට විය.
හිතින් නැන්දනිය මතක් කොරමින් (මලනුවන්ගේ මෑනියන්) ලොකු කෙල්ලගෙන් පෑනක් උදුරාගත් සුනිලා කියනා බඩු ලැයිස්තුව කඩදාසි කොලයක ලියා ගත්තේ අද දෙන්නම් බැටේ කියා හිතමින්ය.
වදකබාරියගේ මලනුවන් පැමිනි CT100 බයිසිකලය ගෙය ඉදිරියෙන් නවතා තිබින.
ගෙදරට බඩු ගෙනෙනා මල්ලද ගත් සුනිලා මස්සිනාගේ බයිසිකලයෙන්ම බඩු ලයිස්තුව රැගෙන ඒමට කලු මහත්තයාගේ කඩයට පියෑබුවේ ඔලුවට හෙල්මටයක්ද නැතිවමය.
බාර්යාවගේ ලයිස්තුවේ ඇති බඩු සියල්ලම මාසේ අන්තිමට පියවන නය පොතට ගත් සුනිලා සිගරට්ටුවක්ද පත්තුකොරගනිමින් ගෙදර දෙසට ගියේ රටක් රාජ්ජයක් දිනුවෙකුගේ සිතුවිල්ලෙනි.
"කාලෙකට පස්සේ අද නම් මට කනක් ඇහිලා හිටියෑකි " ලෙස සුනිලාට සිතින.
ගෙය පෙනෙනා මානයේදි සිගරට්ටුව දෙතුන් පාරක් පැටල් කොර විසික්කා කොල සුනිලා ගෙට ඇතුලු වුයේ රටක් රාජ්ජයක් ජයගත් එකෙකු සේය.
පොල් බෑයක් ගාමින් උන් වදකබාරිට ....
"බලනවා මොනාද අඩු කියලා" ලෙස කියමින් පොල් බෑයද උදුරගත් සුනිලා එක හුස්මට පොල් බෑයද ගාන්නට විය.
සුනිලාගේ වෙනස දුටු බාරියද පුදුම විය.
සුප් කැටයේ සිට කියු සියලුම හාල්,තුනපහ,අඩුම කුඩුම හා කුකුල් මස් ග්‍රෑම් හත්සිය පනහද කිසිදු අඩුපාඩුවකින් තොරවම මල්ලේ තිබින.

"මල්ලි ඕනා නම් අයියා එක්ක ටවුමට ගොහින් බියර් බෝතලයක් අරගෙන එන්න.මම බිත්තරයක් බැදලා දෙන්නම්.." 

බාරි රූපවාහිනිය නරබමින් සිටිනා තම ආදරනිය මලනුවන්ට ඇසෙන සේ කීවේ සුනිලාට නිවන් සැප ලබා දෙනවා හා සිතුවිල්ලක්ද ලබා දෙමිනි..බාරිගෙන් මෙලෙස කොලපාටට දිස් වු එලිය තමුන් සම්බන්දයෙන් මෙතෙක් කලක් බාරියාව ලබා දුන් ලකුනුවල ඉහලම අගය බව සුනිලාට සහසුද්දෙන්ම දැනේ.

සුනිලාට පපුව පැලෙනා තරමටම සන්තෝසය.

කතන්දර නැත.මස්සිනාද සුනිලාටම කියාපු එකෙකි.එය හොදින්ම දන්නා සුනිලා හෙමින් සීරුවේ මස්සිනා ලගට ගොස් "එහෙනම් මල්ලි බාර් එක ලගට දුවලා එමු"දැයි ඇසුවේ ඇසකුත් ගසමිනි.

මස්සිනාද හෙල්මටයද රැගෙන එක පයින් ගමනට සූදානම්ව මිදුලට බැස්ස මුත් එකවර කෑ ගසන්නට විය.

"අයියේ..අක්කේ..අක්කේ ...මෙතන නවත්තලා තිබුන මගේ බයිසිකලය නෑ....."

"අම්මට සිරි...ගහපල්ලකො කලාබර "යැයි සුනිලාට කියවුනේ කලුමහත්තයාගේ කඩය ලග දමා ආ මස්සිනාගේ බයිසිකලය සිහිවීමෙනි.