මම අරක්කු...

මාලික යනු දඟයාගේ ඔෆීසියේ අපූර්වතම පුද්ගලයෙකි.
කස්ටිය වටකොරගෙන රසවත් කතා කීමටද,යම් යම් සිදුවීම් රගපාමින් කට්ටියට ගොන් ආතල් දීමටද මාලික පුදුමාකාර දක්ෂතාවයක් දක්වයි.
එක හුස්මට අරක්කු වීදුරුවක්ම කටට හලා ගන්නා මාලික බඩ ඉදිමෙන තෙක් බයිට් කෑමටද  රුසියෙකි.
අඩියක් ගැසු වෙලාවට මාලිකගේ කතන්දර වඩාත් රසවත් වෙයි.
"කව්ද දන්නේ මගේ නමේ තේරුම...කියහල්ලා බලන්න මාලික කියන නමේ තේරුම පුලුවන්නම්"
මාලික යන නමෙහි අර්තය කුමක්දැයි විමසීම,මත්පැනින් මත්ව සිටිනා අවස්තාවලදී මාලිකගෙන් ලැබෙන අබියෝගයකි.
"මා කියන්නේ මම.ලිකර් කියන්නේ අරක්කු.එතකොට මාලික කියන්නේ මම අරක්කු" නමේ අර්තය ගැන මාලික කියන්නේ එවන් අපූරු කතාවකි.
නමේ කතාවෙන් නොනවතින මාලික,එක හුස්මට අරක්කු වීදුරුවක් කටේ හලා ගනිමින් මාලික යන නාමය ලැබීමට වඩාත්ම සුදුස්සා තමන් බව බලා සිටින්නන්ටද ඔප්පු කර පෙන්වයි.

කාලෙකට පෙර දිනක් නුගේගොඩ බාර් එකකින් මෙලෙස සප්පායම්ව බමන මතින් පදම්ව තුන් රෝද රියකට මාලික ගොඩවුනේ හෝමාගම පිහිටි තම බෝඩිමට යාමටය.

කෙසේ හෝ බෝඩිම ලගට ගිය මාලිකට බරපතල පුරස්නයකට මුහුන දෙන්නට සිදුවිය.
අතේ තිබු මුදල්වලින් බාර් බිල ගෙවා මාලික අත එම අවස්තාවේ ඉතිරිව තිබී ඇත්තේ තවත් රුපියල් තුන්සීයක් පමනි.තුන් රෝද රියෙහි මීටරයේ පැමිනි දුර කිලෝමීටර විස්සක් ලෙසද ,ගෙවිය යුතු මුදල රුපියල් හයසීයක් ලෙසද සටහන්ව තිබී ඇත.
මාලික තම අත ඇති,රුපියල් තුන්සීය ලබා දී රියදුරුගෙන් සහනයක් පැතුවද ,කිසිදු සහනයක් ලැබී නැත. දන්නා සියලුම ශිල්ප දමා තුන් රෝද රියෙහි රියදුරාව නම්මා ගැනීමට උත්සාහ කලද සහනයක් නොලද තැන...
"මා ගාව තියෙන්නේ රුපියල් තුන්සීයයි.උඹ ඕනා නම් මේකත් අරන් පලයන්...නැතිනම් මාව ආපහු කිලෝමීටර් දහයක් ආපහු ගිහිල්ලා දාහන්.මම ඔය කිලෝමීටර දහය ආපහු පයින් එන්නම්"කියමින් නැවත තුන් රෝද රියට ගොඩව ඇත.
"වද දෙන්නේ නැතිව බහින්න මහත්තයා " කියමින් බමන මතින් සිටිනා මාලිකව බිමට ඇද දැමු,තුන් රිය රියදුරා ආපසු ගොස් ඇත්තේ මාලික අත තිබු රුපියල් තුන්සියයද  අමතක කර දමමිනි.

බෙන්තර ගගෙන් එහා ඉපිද,මොරටුවෙන් උපාදිය ලබා ගැනීමෙන් නොනැවතී කොලඹ රටෙන් ලොකු රස්සාවක් හොයාගත් මාලික දකුනේ කොයි අප්පුහාමිත් කොරනා ලෙසටම කොලඹ රටෙන් කෙල්ලෙකුත් සැට් කොරගත්තේ ලොකු දෑවැද්දක්ද සමගිනි.මහරගම නගරයට වඩාත් සමීපයෙන් පිහිටි නිවසේ බින්න බැහීමට මාලික එක පයින්ම කැමැත්ත පල කලේ,බෙන්තර ගෙගෙන් එහා සිටිනා කොයි බලලාගේත් ඇති කට්ටකම ඇත්තක් බව පෙන්වමිනි..

මාලිකගේ බින්න බැහීම ගැනද අපූරු කතන්දරයක් ඔෆීසියේ කා අතරත් ප්‍රසිද්දව පවතී.
වෙඩින් මගුල දිනද, මත්පැනින් මත්ව බඩජහරිකමට බඩ ඉදිමෙන තෙක් බයිට් කා බඩ අවුල් කොර ගත් මාලිකයා පලමු දිනයේම කුජීතම ලෙස තම නම්බුව දුෂනය කොරගත්තේය.

බයිට් කා බඩ චොර කොරගත් මාලිකයා බින්න බැසීම සිදුකොලේ අදාල නිවසේ කොමඩ් එක දහ පහලොස් පාරක්ම පුරවා දමමිනි.එතකින් නොනැවතුනු අපගේ වීර කතානායකයා ආමවාතය පිට කොරමින්(ඔව්...අර පීක් යවනවා කියන්නේ) මුලු ගෙදරම සුදුලූනු සුවදින් සුවදවත් කොර තිබින.
රසවත්ම දෙය නම්,මාලිකයා බින්න බැස තිබු කාමරය අද්දරම බැල්කනියේ ඇති හාන්සි පුටුවේ වාඩි වී පත්තරයක් බලමින් සිටිනා තම මනාලියගේ පියාට තමාගේ ආමවාතයේ සුවද දැනේවි යැයි බියට පත්ව මාලිකට සිද්ද වුනු අලකලන්චියයි.

කොර වූ බඩින් යුතුව දෙහි බොමින් තම නම්බුව රැක ගැනීමට වෙහෙසුන මාලික, තම ආමවාත උවමනාව බොහෝම අමාරුවෙන් මැඩගෙන සිටියේ කාමරය අද්දරම බැල්කනියේ ඇති හාන්සි පුටුවේ වාඩි වී පත්තරයක් බලමින් සිටිනා තම මනාලියගේ පියා බැල්කනියෙන් ඉවත්ව යනතුරුය.
මාලිකයා පැය බාගයකට ආසන්න කාලයක් ආමවාතය තද කොරගෙන සිටියද ,රසවත් තේ කෝප්පයක රස බලමින් ,පත්තරය කියවමින් සිටිනා මනමාලියගේ පියා බැල්කනියෙන් ඉවත්වන පාටක් නැත.
මාලිකගේ කන් රතුව ඇත.ඇස් ගොරකා ගෙඩි දෙකක් මෙන් ඉවතට පැනීමට ආසන්නය.පිට දිගේ දහඩිය ගලා යයි.මාලික ආමවාතය පිට කර ගැනීමට නොහැකිව ඉවසාගෙන දගලන ආකාරය සිතීමට පවා බයානකය.
ඉවසලා..ඉවසලා...ඉවසීමට බැරි තරමට මාලිකගේ රතු කට්ට පැන ඇත.
ඉවසනු බැරි තැන බෙන්තර පූසාට අපූරු අදහසක් පහල විය.
සිරකොටගෙන සිටි ආමවාතය බඩේදිම කොටස් තුනකට වෙන්කල මාලික සෙමින් ආමවාතයෙන් කොටසක් පමනක් "පී.....ක්" ගා පිට කලේය.
පිටවන ප්‍රමානයද,ශබ්දයද තුනට බෙදී ඇත.තමාගේ ඉන්ජිනේරු බුද්දිය ගැන ආඩම්බරකාර සිතුවිල්ලකින් මාලිකගේ සිත පිරින.
"බ්‍රව්නි...ඔය කාමරයෙන් එලියට එනවා"
ඉන්ජිනේරු බුද්දිය ගැන ආඩම්බරකාර සිතුවිල්ලට බාදා පැමිනියද මාමන්ඩියගේ හඩ මාලිකගේ සිතට සහනයක් ගෙනාවේ,ආම වාතයේ සැර මාමන්ඩියට දැනී නොතිබෙන බවට එම හඩ මාලිකට ඉගියක් ලබා දුන් නිසාය.
හතර හන්දියම දිගෑරගෙන නිදාසිටි ඇද යටට බෙල්ල දික් කල මාලික, මාමන්ඩියගේ හරුපයේ තේරුමද වටහාගත්තේ නකුට වනමින් ඇද යට ගුලි වී සිටි බලු තඩියාව දැකගත් පසුය.

අප්‍රමාන සතුටකින් මාලිකගේ සිත පිරී ගියේය.
"වැඩේ මගේ....නම යන්නේ බොගේ" සිතමින් මාලික බලු තඩියාට සිතින් කෝචොක් කලේය.
තත්වය වඩාත් සතුටුදායකය.තවත් ඉවසිය යුතු නැත.
දහඩිය දමමින්,ඇස් රතු කොර ගනිමින් දගලනවාට වඩා ඉතිරි කොටස්ද බලු තඩියා මතින් යැවිය යුතුය.
මාලික තව තවත් ඉවසන්නට ගියේ නැත.
"පී..ක්" ගා අනෙක් ඉතිරි කොටස් දෙකෙන් එකක් මාලික  ඉවතට මුදා හැරියේ වඩාත් සැහැල්ලුවෙනි.
"බ්‍රව්නි...ඔය කාමරයෙන් එලියට වරෙන්...මම සැරයක් කීවා"
මාමන්ඩිය කලින්ට වඩා සැරෙන් බලු තඩියාට කතා කොරයි.
තමන් පත් සැහැල්ලුවේ ප්‍රතිපලය බලු තඩියා මතින් ගොස් ඇති ආකාරය මාමන්ඩියගේ ශබ්දයෙන් මාලිකට සිතා ගත හැකිය.බැරිවෙලාවත් එය තමා පිටින් ගියේද ,කලිසමක් තබා රෙද්දක් චීත්තයක්වත් ඇදගෙන එලියට බසින්නට බැරි වනු ඇති බව මාලිකට සිතින.
ඉතිරි ආමවාත කොටස  මාමන්ඩිය බැල්කනියෙන් ඉවත්වනතුරු නොයැවීමට මාලික සිතා ගත්තේ දෙවෙනි ආමවාත කොටසින් බලු තඩියාට එල්ල වුනු බලවත් තර්ජනයට මාලිකද සලිතව ගිය බැවිනි.
තවත් පැය බාගයක් පමන ගත වුවද මාමන්ඩිය බැල්කනියෙන් යන පාටක් නැත.
නැවත වරක් මාලිකගේ ඇස් ගොරකා ගෙඩි දෙකක් මෙන් ඉවතට පැනීමට ආසන්නය.
යටි බඩ හරහා අකුනු ගසමින් වේදනා දෙමින් මුලු බඩම කොරව ඇත.
තව තවත් ඉවසීමට බැරිය.මාමන්ඩියද බැල්කනියෙන් යන පාටක් නැත.ආමවාතය පිට කොරනවා හැර වෙන කොරන්නටද දෙයක් නැත.නැවත වරක් ඇද යටට ඔලුව දික් කර බලු තඩියා ඇතිදැයි සැක හැර දැනගත් මාලික,අවසාන ආමවාත කොටසද පී..පීක් හඩින් යැවුයේ මේ කොටසත් බලු තඩියාගේ එකවුන්ට් එකටමනේ යැයි සිතමිනි.
දඩාස් ගා සිටි පුටුවද පෙරලමින් මාලික සිටිනා කාමරයේ දොර අසලට පැමිනි මාමන්ඩිය බලුතඩියාට මහා හයියෙන් කෑ ගසන්නට විය.
"බ්‍රව්නි...ඔය කාමරයෙන් එලියට වරෙන්..තව ඔතන හිටියොත් ඕකා බොගේ ඇගටත් රෙයි.."
තත්වය දුක්කිතය.සියල්ලම මාලිකගේ ගිනුමට බැරව ඇත.